کوردپرێس:

هادی قاسمی بەڕێوەبەری سەرچاوە سروشتییەکانی ئازەربایجانی ڕۆژئاوا لە لێدوانێکدا ڕایگەیاند تا ئێستا 15 هەزار و 200 مەتری سێجا داری قاچاخ لە پارێزگاکە کەشف کراوە و 37 تۆمەتباریش لەو بارەیەوە دەستبەسەر کراون.

قاسمی بە شێوەیێکی جیدی هۆشداریی دا کە مامەڵەی یاسایی لەگەڵ قاچاخچییانی دار لە پارێزگای ئازەربایجانی ڕۆژئاوا دەکرێت و گوتیشی: پاراستنی دارستانەکان ئەرکی نیشتمانیی ئێمەیە و مامەڵەی یاسایی و توند لەگەڵ قاچاخچییانی داری دارستانەکان دەکرێت.