کوردپرێس:

دراوی لیری تورکی بەرامبەر بە نرخی دۆلار لە دابەزینی بەردەوامدایە و پاش ئەوەش کە ئەردۆغان باڵوێزانی 10 وڵاتی لە تورکیا دەرکرد، نرخی لیر ڕێژەیێکی پێوانەیی دابەزینی تۆمار کرد.

بە پێی نووسراوی ڕۆژنامەی جمهوورییەت ئۆزکان یالیم نوێنەری پارتی کۆماریخوازی گەلانی (CHP) بەدواداچوونێکی ئەنجام داوە و بە پێی بەدواداچوونەکەی، بانکی ناوەندیی تورکیا بۆ لێدانی سکەی لیر زیانی گەورەی تووش دەبێ بۆیە ئەو ئاسنەی بۆ سکەی لیر بەکار دەهێنرا دەوتێنرێتەوە چوونکە نرخی ئاسنەکە زیاتر لە نرخی سکەی پارەکە.

بە وتەی یالیم تێچووی لێدانی سکەی لیر لە تورکیا بە شێوەیێکی سەرسوڕهێنەر بەرزبوونەوەی تۆکار کردووە و لە سکەدا مس و نیکل بەکار دەهێنرێت کە نرخیان زۆر بەرزە.

بەپێی بەدواداچوونەکان بۆ لێدانی سکەیێکی یەک قرووشی بە بەهای 26 قرووش ئاسن بەکاردەهێنرێت و هەر لیرێکی تورکیا 100 قرووشە. ئەگەرچی یەک قرووشی لە مەعامەلە و کڕین و فرۆشتندا بەکار ناهێنرێت بەڵام بانکی ناوەند وەک پووڵە وردە بە هاووڵاتییانی دەدات.