کوردپرێس:
مایک پۆمپیۆ وەزیری دەرەوەی ئەمریکا لە پەیجی تایبەتی خۆی لە تویتەر نووسیویەتی هێرشی سەربازی بۆ سەر ئیدلیب دۆخەکەی ئێستای سووریا بەرەو مەترسیی زیاتر پەلکێش دەکات ئەوەش وەکوو وەڵامێ لێدوانەکەی لاورۆڤ وەزیری دەرەوەی ڕووسیا کە وتبووی ئەگەری هێرشی سەربازیی دەوڵەتی سووریا بۆ ئیدلیب لە ئارادایە.
وەزیری دەرەوەی ڕووسیا بە ئاشکرا پشتگیریی هێرشی سەربازیی سووریا بۆ ئیدلیب دەکات و ڕووسەکان و بەشار ئەسەد لەو باریەوە کۆدەنگن بەڵام ئەمریکا ئەو مەسەلەیە بە مەترسیدار دەزانێت و دەڵێت 3 ملوێن کەسی دانیشتووی ناوچەکە دەبێت ئازاری ئەو هێرشە تەحەمول بکەن.
ئەوەش لە کاتێکدایە تورکیاش دژ بە هێرشکردن سووریا بۆ سەر ئیدلیب هەڵوێستی نواندووە و ڕۆژی ڕابردوو وەزیری دەرەوەی تورکیا داوای لە ئەمریکا کردبوو ڕێگری بکات لە هێرشی سەربازیی سوپای سووریا بۆ سەر ئیدلیب. بۆیە ئەمریکا و تورکیا لەو بارەیەوە کۆدەنگن.
Your Comment