کوردپرێس: بەپێی ڕاگەیەندراوێکی فەرمی لە سەرۆکایەتیی هەرێمی کوردستانەوە، شەوی هەینی، ٢٢ی ئایاری ٢٠٢٦، لەو پەیوەندییەدا پەرەپێدانی پەیوەندییەکانی عێراق و هەرێمی کوردستان لەگەڵ ئێران خرایە بەرباس، بەتایبەتی لە سێکتەرەکانی ئاڵوگۆڕی ئابووری و بازرگانیدا. هاوکاریکردن و بەهێزکردنی هەماهەنگیی نێوان هەردوولا بۆ پاراستنی ئاسایشی سنوورەکان، تەوەرێکی دیکەی سەرەکیی گفتوگۆکانی نێوانیان بوو.
لە بەشێکی دیکەی ڕاگەیەندراوەکەدا هاتووە، کە سەرۆکی هەرێم و وەزیری دەرەوەی ئێران چاویان بە دوایین پێشهات و گۆڕانکارییەکانی ناوچەکەدا گێڕاوەتەوە و، هاوڕابوون لەسەر گرنگیی هەوڵە بەردەوامەکانی وڵاتانی ناوچەکە لەپێناو چەسپاندنی ئاسایش و سەقامگیری لە ڕۆژهەڵاتی ناوەڕاستدا. لە کۆتاییی پەیوەندییەکەشدا، بیروڕا لەسەر چەند پرسێکی دیکەی جێی بایەخی هاوبەش ئاڵوگۆڕ کرا.
Your Comment