بەپێی هەواڵی کوردپرێس، كامەران عوسومان لە رێكخراوی (Community Peacemaker Teams - Iraqi Kurdistan) دەڵێت: لە کاتژمێر ٧:٤٠ خولەکی سەر لە ئێوارەی ئەمڕۆدا، ئۆتۆمبێلێکی جۆری (لاندکرۆزەر - ژمارە سلێمانی - گولە نەبڕ) لەسەر ڕێگای نێوان دوکان بۆ سلێمانی، بەرامبەر گوندی حەسەن تەپە لەلایەن درۆنێکی نەناسراوەوە بە ئامانجگیرا.
لە ئەنجامی ئەو هێرشەدا، کەسێک گیانی سپارد و کەسێکی تریش بە سەختی برینداربوو. هێشتا ناسنامەی قوربانییەکان ئاشکرا نەکراوە.
بهڵام ژمارەیێک سەرچاوەی دیکە بۆ شارپرێس ئاشکرایان کردووە ئۆتۆمبێلهكه لهڕێگهى بۆمبى لكێندراوهوه تهقێندراوهتهوه و ئۆتۆمبێلى تایبهتى عومهرى ئێلخانى زاده جێگرى سکرتێری کۆمەڵەی شۆڕشگێری زەحمەتکێشانی کوردستانی ئێران بووه و ئهو دوو كهسهشى لهناو ئۆتۆمبێلهكهدا بوون، پاسهوانى تایبهتى بوون، کە کەسێکیان گیانی لەدەست داوە و ئەوی دیکەش بریندارە.
زانیارییهكان باس لهوهدهكهن، جێگرى سكرتێرى كۆمهڵه لهناو ئۆتۆمبێلهكهیدا نهبووه و تائێستا هیچ لایهنێكی ههرێمى و گرووپێكیش بهرپرسیارێتى خۆى ڕانهگهیاندووه.
هەر لەمبارەوە عەبدوڵا نووری، بەرپرسی ئەمنی کۆمەڵەی شۆڕشگێڕی زەحمەتکێشانی ئێران بە "درەو میدیا"ی ڕاگەیاندووە: ئەو ئۆتۆمبیلەی ئێوارەی ئەمڕۆ كراوەتە ئامانج، ئۆتۆمبیلێكی گولەنەبڕە كە هی (عومەر ئیلخانیزادە) جێگری سكرتێری حزبەكەیانەو خۆی تێدا نەبووە، شۆفێرەكە و پێشمەرگەیەكی تێدابووە، لە سوورداش گەڕاوەتەوە بەرەو سلێمانی، لە نزیک بازگەكە ئۆتۆمبیلەكە وەرگەڕاوە و ئاگری گرتووە.
وتیشی میدیاكان هەواڵی ئەوەیان بڵاو كردووەتەوە گوایە بە درۆن كراوەتە ئامانج، بەڵام ئێمە تا بەتەواوی بۆمان ڕووننەبێتەوە، دڵنیا نین، لەئێستادا هەم تیمی خۆیان و هەم دەزگا ئەمنیەكان لێكۆڵینەوە دەكەن لەوەی بزانن هۆكاری رووداوەكە درۆن بووە یان وەرگەڕاوە یان تەقینەوە لەڕێگەیان دانراوە و دواتر ئاشكرای دەكەن.
جەختیشكرد لەوەی، جێگری سەرۆكی حزبەكەیان سەلامەتە کوژراوێک و بریندارێک هەیە.
Your Comment