بەپێی هەواڵی کوردپرێس، مەحموود محەممەد، وتەبێژی پارتی دیموکراتی کوردستان لەبارەی پێکهێنانی کابینەی نوێی حکوومەت لە چاوپێکەوتنێکی تەلەفزیۆنیدا دەڵێت: "یەکێتی بۆ پێکهێنانی حکوومەت نەهاتنە پێشەوە، بۆیە دواخرا و لەدوای هەڵبژاردنی پەرلەمانی عێراق گفتوگۆکان بۆ پێکهێنانی حکوومەت جیاواز دەبێت ."

 مەحموود محەممەد دەڵێت: "یەکێتی دەیانوت پۆستیان لەلا گرنگ نییە، بەڵام پێکهێنانی کابینەی ١٠یان لەسەر پۆست دواخست."

شایانی باسە ساڵێک بەسەر هەڵبژاردنی پەرلەمانی کوردستان دا تێپەڕیوە، بەڵام هێشتا کابینەی نوێی حکوومەتی هەرێمی کوردستان پێکنەهێندراوە.