بەپێی هەواڵی کوردپرێس، تولای حاتەم ئۆغوللاری، هاوسەرۆکی گشتیی دەم پارتی لهمیانی وتارێكدا لە کۆنفرانسی ئاشتی تورکیا کە لە بەرلین باسی لهوهكرد: "ئاشتی لە تورکیا، بە مانای ئاشتیە لە سووریا و ڕۆژهەڵاتی ناوەڕاست، ئێمە ئاشتی کورد دەپارێزین، بەڵام ئەمە بەتەنها وڵامدەر نییە بەڵكوو پێویستە تورکیایەکی دیموکراتیک بنیات بنێین، پێویستە بۆ بنیاتنانی کۆمارێکی دیموکراتیک و هەمیشەیی هەموو هەوڵێک بدەین".
ناوبراو ئاماژهی بهوهش كرد: دەم پارتی هەر لە سەرەتای پرۆسەکەوە لەگەڵ نزیکەی ۱۰۰ دامەزراوەی عەلەوییەکان لە تورکیا دیداری ئەنجامداوە و هێشاش بەردەوامە، لە تورکیا دەسەڵاتداری ئاکەپە نەک هەر گەلی کورد بەڵکوو هەوڵ دەدات هەموو گەل و باوەڕییەکان ناو تورکیا سنوودار بكات و هەروەها هەوڵ دەدات عەلەوییەکان لەناو خۆیدا سنووردار بکات.
هاوسەرۆکی گشتیی دەم پارتی ئاماژەی بە کۆمەڵکوژی و چەوساندنەوەی عەلەوییەکان کرد لە تورکیا و سووریا و وتی: "ئێمە وەک کەسانێک کە گەواهیدەری هەموو ئەمانەین، لەوباوەڕەداین پرۆسەی ئاشتی هەم بۆ ئاشتی و دیموکراتیکبوونی تورکیا، هەم بۆ ئاشتی و ئارامی ناوچەکە، بەتایبەتی عەلەوییەکان گرنگیەکی ژیانی هەیە، بۆیە لەسەر ئەو بنەمایە، بەردەوام دەبین لە تێکۆشانمان بۆ بنیاتنانی زەمینێکی دیموکراتیک بۆ هەمو گەل و باوەڕە جیاوازەکان لە تورکیا و ناوچەکە".
تولای حاتەم ئۆغوللاری هەمووانی لەسەر پێشکەوتنەکانی پڕۆسەی ئاشتی و کۆمەڵگای دیموکراتیک ئاگادار کردەوە و ڕایگەیاند: "پێمانوایه ئیتر پێویستە دەست بە ڕەشنووسی یاسایی و مافەکان بکرێت، بۆ ئەوە پێش هەموو شتێک یاساکانی ئازادی و دیموکراتیکبوون دەست پێبکات".
ئهوهشی خستهڕوو: "پێویستە بە زووترین کات فیگەن یوکسەکداغ، سەلاحەدین دەمیرتاش و سەرجەم زیندانیانی دۆسیەی کۆبانێ و هەروەها زیندانیانی سیاسی ئازاد بکرێن" ئاماژەی بەوەکرد، یەکێک لەو کەسانەی کە ڕێبەر ئاپۆ بۆ یەکەمجار نامەی بۆیان ناردوە سەلاحەدین دەمیرتاش و فیگەن یوکسەکداغە و وتی: "پێویستە پێکەوە بە یەکدەنگییەکی بەهێز لە دژی بەڕێوەبردنی تێگەیشتن بوەستینەوە".
Your Comment