بەپێی هەواڵی کوردپرێس، بەیان سامی عەبدولڕەحمان، ڕاوێژکاری سەرۆک وەزیرانی کوردستان بۆ پەیوەندییەکانی دەرەوە ڕاگەیاند:"بڕیاری بڕینی مووچەی هاووڵاتییانی هەرێمی کوردستان، بە دڵی ئەمریکا نییە، چوونکە ئەمریکا پشتیوانیی لە کوردستانێکی بەهێز دەکات و دەخوازێت هەرێمی کوردستان سەقامگیر بێت.
ڕاوێژکارەکەی سەرۆک وەزیرانی کوردستان وتیش: "سەرۆک وەزیران مەسروور بارزانی دیداری زۆر گرنگی لە سەردانی بۆ ئەمریکا ئەنجام دا و پێشوازییێکی زۆر گەرمیشی لێکرا سەرباری ئەو دوو ڕێککەوتنە گەورەی لە بواری وزەدا لەنێوان هەرێمی کوردستان و دوو کۆمپانیای ئەمریکادا کرا.
ڕاوێژکاری سەرۆک وەزیرانی کوردستان دەشڵێت: "ئەمریکا پێی سەیرە عێراق دژی ئەو گرێبەستانەی هەرێمی کوردستان دەوەستێتەوە، ئەمریکا دەیەوێت پەیوەندیی نێوان هەولێر و بەغدا باش بێت، لەگەڵ ئەوەی کوردستانێکی بەهێزیشی دەوێت".
Your Comment