بەپێی هەواڵی کوردپرێس، وەزیری دەرەوەی ئێران لە پەیامێکدا کە لە تۆڕی کۆمەڵایەتی X بڵاوی کردەوە وتیشی: "ئەم کۆبوونەوەیە دەرفەت و تاقیکردنەوەیە و تۆپەکە لە گۆڕەپانی ئەمریکا دایە."

لای خۆیەوە دۆناڵد ترەمپ، سەرۆکی ئەمریکا لە کۆشکی سپی لە کاتی پێشوازی لە بنیامین نەتەنیاهوو، سەرۆکوەزیرانی ئیسرائیل کرد، بۆ رۆژنامەڤانان لەبارەی ئێران گوتی: "رۆژی شەممە کۆبوونەوەیێکی زۆر گەورەمان هەیە و بە شێوەیەکی ڕاستەوخۆ مامەڵەیان لەگەڵدا دەکەین."

ترەمپ گوتی: "لەوانەیە رێککەوتنێک بکەین، ئەمەش زۆر مەزن دەبێت. کۆبوونەوەکەی رۆژی شەممە لە ئاستی باڵایە."