کوردپرێس: بەپێی نوێترین ئاماری نووسینگەکە، تاوەکوو ئێستا شەهیدبوونی ۵ هەزار کوردی ئێزدی یەکلایی بووەتەوە کە بووەتە هۆی هەتیوبوونی دوو هەزار و ۷۴۵ منداڵ.

بەپێی ئامارەکە، تاوەکوو ئێستا ۹۳ گۆڕی بەکۆمەڵ دۆزراونەتەوە کە رووفاتی کوردی ئێزدییان تێدایە و لە ساڵانی ۲۰۱۴-۲۰۱۷ بە دەستی چەکدارانی داعش شەهید کراون، هەروەها دەیان گۆڕی تاکەکەسیش دۆزراونەتەوە.

نووسینگەی ڕزگارکردنی ڕفێندراوانی ئێزیدی لە هەرێمی کوردستان کە سەر بە نووسینگەی نێچیرڤان بارزانییە، وردەکاریی ئامارەکان دەخاتە روو:

ڕفێندراو

۶,۴۱۷ کەس

۳,۵۴۸ مێ

۲,۸۶۹ نێر

ڕزگارکراو

۳,۵۸۵ کەس

۱,۲۱۱ ژن

۳۳۹ پیاو

۱,۰۷۴ کچ

۹۶۱ کوڕ

ژمارەی ڕفێندراوان کە بە دەستی داعش شەهید کراون و تەرمەکانیان لە نێو گۆڕە بەکۆمەڵەکان دۆزراونەتەوە و رادەستی ماڵباتەکانیان کراون: ۲۷۴ کەس؛ ۳۷ مێ و ۲۳۷ نێر.

بێسەروشوێن

۲۵۵۸ کەس

۱۲۲۵ مێ

۱۳۳۳ نێر

ژمارەی ئاوارە ئێزیدییەکان کە ئێستا لە کەمپەکانی هەرێمی کوردستان دەژین: ۱۳۵,۸۶۰ ئاوارە، بەڵام ژمارەی ئاوارەکان کە لە ناوچە جیاوازەکانی باشووری کوردستان دەژین ۱۸۹,۳۳۷ ئاوارەن.

حوسێن قائیدی، بەڕێوەبەری نووسینگەکە لەمبارەوە قسەی بۆ تۆڕی میدیایی ڕووداو کرد و وتی: "دوای ساڵی ۲۰۱۷ نووسینگەکە لەلایەن کاک نێچیرڤان بارزانییەوە دامەزرێنرا و چەند دۆسیەیەکی جیاوازی کردەوە، (دۆسیەی عێراق، سووریا، رۆژئاوای کوردستان و وڵاتانی دەرەوە).

حوسێن قائیدی وتیشی: نێچیرڤان بارزانی ڕایسپاردووین کە تاوەکو چارەنووسی دوایین کوردی ئێزدی یەکلایی نەکەینەوە، کۆڵ نەدەین و بەردەوام بین. "لەم ڕۆژانەدا کەسێکی دیکە ڕزگار دەکەین و گەڕانەوەی بۆ زێدی خۆی رادەگەیێنین".