بەپێی هەواڵی کوردپرێس، بافڵ تاڵەبانی، سەرۆكی یەكێتی نیشتمانیی كوردستان له‌ لێدوانێكی ڕۆژنامه‌وانیدا و له‌وه‌ڵامی‌ پرسیارێک و سه‌باره‌ت بە وه‌رگرتنه‌وه‌ی‌ پۆستی‌ سه‌رۆكی‌ كابینه‌ی‌ ده‌یه‌می‌ حكوومه‌تی‌ هه‌رێمی‌ كوردستان له‌لایه‌ن مه‌سروور بارزانییه‌وه‌، ڕایگه‌یاند، "[مه‌سرور بارزانیی] چۆن ده‌بێته‌وه‌ به‌ سه‌رۆكی‌ حكوومه‌ت، 50+1 و 11 به‌هیچ نه‌ما [مه‌به‌ستی‌ نه‌مانی‌ كورسی‌ كۆتاكانه‌] بێ ئۆكەی یەكێتی كاک مەسروور نابێتە مودیر عام".

له‌وه‌ڵامی‌ ئه‌و لێدوانه‌دا، پێشەوا هەورامانی، وتەبێژی حکوومەتی هەرێمی کوردستان له‌په‌ڕه‌ی‌ خۆی‌ له‌ تۆڕی‌ كۆمه‌ڵایه‌تی‌ فه‌یسبووک نووسیویه‌تی‌: "لە پۆستی کاک مەسروور گەڕێن، دەست بە پۆستی جێگرییەوە بگرن‌ و دوای هەڵبژاردن لە کاک مەسروور بپاڕێنەوە تا پێتانی بداتەوە".

پێشەوا هەورامانی ده‌ڵێت، "جێگر هیچ سوودی نەبێت‌ و هەر هیچی پێ نەکرێت!، دەستی تۆی پێدەگیرێت لە دوو مناسەبە بتباتە ژوورەوە، بۆ ئەوەی ڕەسم لەگەڵ خەڵک بگری".