بەپێی هەواڵی کوردپرێس، خۆپیشانده‌ران ئه‌مڕۆ چه‌ندین دروشمیان بۆ پشتیوانی له بڕیاره‌که‌ی دادگای فیدڕاڵی عێراق په‌یوه‌ست به دابه‌شکردنی مووچه به‌شێوه‌ی ڕاسته‌وخۆ له لایه‌ن وه‌زاره‌تی دارایی عێراق به‌رزکرده‌وه، که بریتی بوون له: "بژی دادگای فیدڕاڵی، دادگای فیدڕاڵی پاڵەوانی گەلی کوردە"، "وانه‌ی ئه‌مڕۆ ده‌ستپاکی و دادپه‌روه‌رییه"، "سپاردەت نەپاراست دەبڕدرێت دەستت".
مامۆستایان ده‌ڵێن، ده‌یانه‌وێت مووچه‌کانیان بچێته سه‌ر به‌غدا و ڕاسته‌وخۆ وه‌زاره‌تی دارایی عێراق دابه‌شی بکات، "چونکه ده‌ستمان داغ بوه و له‌ماوه‌ی رابردودا ده‌یان موچه‌مان خوراوه و پاشه‌که‌وتکراوه".
هەروەها فه‌رمانبه‌رێک که به‌شداری خۆپیشاندانه‌که‌ی سلێمانی کردوه، دەڵێت: "ئابڕوومان چووه به‌ده‌ست دواکه‌وتنی مووچه‌وه و ژیانمان تێکچووه، بۆیه داوا ده‌که‌ین ڕاسته‌وخۆ مووچه له به‌غداوه دابه‌شبکرێت.
Your Comment