بەپێی هەواڵی کوردپرێس، بۆردوومانەکانی تورکیا دووجار وێستگەی شاری کۆبانێیان کردە ئامانج و بەهۆیەوە کارەبای ئەو شارە و ۴۰۰ گوندی سەر بە کۆبانێ پچڕان.

هەروەها فڕۆکەیەکی تورکیا وێستگەی گواستنەوەی کارەبای لە عەین عیسا لە گوندەواری ڕەققە بۆردوومان کرد و بەهۆیەوە کارەبای ئەو وێستگەیە و ۱۵۰ گوندی سەر بەوێ پچڕان.

بە گوتەی بەشی ڕاگەیاندنی بەڕێوبەریی خۆسەریی، لە قامشلۆ بۆردوومانەکەی تورکیا بۆ سەر وێستگەی کارەبا بووە هۆی ئەوەی کارەبای زیاتر لە سەدا ۶۰ی شارەکە و گوندەوارەکانی رۆژهەڵات ببڕدرێت.

لە عامودێ بۆردوومانەکە بووە هۆی پچڕانی کارەبا لە شارەکە و ۹۰ گوند و لە ترپەسپیش بووە هۆی پچڕانی کارەبا لە شارەکە و ۱۹۰ گوندی دەورووبەری.

درباسیەش لە باکووری حەسەکە بەهەمان شێوە بەر بۆردومانی تورکیا کەوتووەت و بەهۆیەوە زیان بە وێستگەی کارەبای شارەکە گەشت و کارەبای پچڕا.

لە کاتژمێرکانی درەنگانی ئەمشەودا، تورکیا وێستگەی غازی سوەیدییەی لە گوندەواری دێریک بۆردوومان کرد، کە وزە بۆ دەیان وێستگەی گواستنەوەی کارەبای دابین دەکات.