بەپێی هەواڵی کوردپرێس، كامه‌ران مه‌لا محمد به‌ڕێوه‌به‌رى گشتى ته‌ندروستى سۆران ڕایگه‌یاند، ۱۸ كه‌س گه‌یه‌ندراونه‌ته نه‌خۆشخانه و ۱۴ كه‌سیان گیانیان له‌ده‌ست داوه و ئه‌و ۴ كه‌سه‌ى له نه‌خۆشخانه ماون ته‌ندروستیان جێگیره.
لەبارەی ڕووداوەکەوە سەرپەرشتیاری ئیدارەی سەربەخۆی سۆران وتوویه‌تى، "دوای پەیوەندییەکی ڕاستەوخۆی سەرۆک وەزیرانی ھەرێم، لەسەر ڕاسپاردەی ئه‌و لیژنەیەکی لێکۆڵینەوەمان پێکھێنا بۆ لێکۆڵینەوە لە ڕووداوەکە و چاودێری‌کردنی دۆخی بریندارانی ڕووداوەکە".
شەوی ڕابردوو لەئەنجامی ئاگرکەوتنەوە لە باڵەخانەیەک لە سۆران کە ژمارەیەک (خوێندكار، مامۆستا و هاوڵاتی ئاسایی) تێیدا نیشتەجێ‌بوون، ۱۴ کەس گیانیان لەدەست‌دا و چەند کەسێکی دیکەش برینداربوون.
Your Comment