بەپێی هەواڵی کوردپرێس، کۆمه‌ڵه‌ی پیشه‌سازی نه‌وتی کوردستان (ئه‌پیکۆر) له به‌یاننامه‌یه‌کدا باسی له‌وه‌کردوه، ئه‌مڕۆ ۲۰۰ رۆژ به‌سه‌ر ڕاگرتنی هه‌نارده‌ی نه‌وتی هه‌رێمی کوردستان له رێگه‌ی بۆرییه‌وه بۆ به‌نده‌ری جه‌یهانی تورکیا تێده‌په‌ڕێت، به‌هۆیه‌وه زیانه‌کانی ڕاگرتنه‌که بۆ هه‌رێمی کوردستان و حکوومه‌تی عێراق ۷ ملیار دۆلاره.
ئاماژه‌ی به‌وه‌ش کردووه، له رۆژی ۴ی ئه‌م مانگه‌وه تورکیا ئاماده‌یی خۆی بۆ هەناردەکردنەوەی نەوت راگەیاندووە، له‌وکاته‌وه "عێراق رۆژانە نزیکەی یه‌ک ملیۆن سزای پابەندبوونی دارایی دەکەوێتەسەر، لەبەرئەوەی ئامادە نییە نەوتەکەی لە رێگەی ئەو بۆرییەوە بگوازێتەوە".
شایانی باسە هه‌نارده‌ی نه‌وتی هه‌رێمی کوردستان له رۆژی ۲۵ی (ئازار/۳)ی ئه‌مساڵه‌وه ڕاگیراوه، دوای ئه‌وه‌ی دادگای نێوبژیوانی نێوده‌وڵه‌تی له پاریس بڕیاری‌دا به ناده‌ستوری‌بوونی فرۆشتنی نه‌وت له رێگه‌ی تورکیاوه به‌بێ ئاگاداری حکوومه‌تی فیدڕاڵی عێراق.
Your Comment