بەپێی هەواڵی کوردپرێس، تورکیا ڕاگرتنی گەشتەکانی لەگەڵ فڕۆکەخانەی نێودەوڵەتیی سلێمانی تاوەکوو ۳-۱-۲۰۲۴ درێژکردەوە. ئۆفیسی هەولێری کۆمپانیای تورکیش ئێرلاین دەڵێت، "کۆمپانیاکەمان پابەندی بڕیارەکەیە و تاوەکوو سەرەتای ساڵی ۲۰۲۴ گەشتەکانمان لە فڕۆکەخانەی نێودەوڵەتیی سلێمانییەوە ڕادەگرین."
رۆژی دووشەممە ۰۳-۰۷-۲۰۲۳ ئۆفیسی سلێمانی تورکیش ئێرلاین ڕایگەیاند، لە رێگەی ئیمەیڵەوە ئاگادارکراونەتەوە کە تورکیا ڕاگرتنی گەشتە ئاسمانییەکانی لەگەڵ فڕۆکەخانەی نێودەوڵەتیی سلێمانی تاوەکوو ۳-۱-۲۰۲۴ درێژ کردووەتەوە.
ئۆفیسی هەولێری کۆمپانیای تورکیش ئێرلاینیش دەڵێت: "کۆمپانیاکەمان پابەندی بڕیارەکەیە و گەشتەکانی لە تورکیاوە بۆ سلێمانی تاوەکوو ساڵی نوێ ڕادەگرێت."
۳ـی نیسانی ۲۰۲۳ کۆمپانیای تورکیش ئێرلاین گەشتەکانی لە فڕۆکەخانەی سلێمانییەوە تاوەکوو کۆتایی مانگی نیسان ڕاگرت؛ دواتر کۆمپانیاکە بڕیاری‌دا تاوەکوو ۰۳-۰۷ گەشتەکانی لەگەڵ فڕۆکەخانەی سلێمانی ڕابگرێت، بەڵام ئەو بڕیارە دیسانەوە درێژ کرایەوە.
Your Comment