بەپێی هەواڵی کوردپرێس، هێزەکانی پاراستنی ئاسایشی ناوخۆی ئیدارەی خۆسەری باکوور و ڕۆژهەڵاتی سووریا (ئاسایش) دانپێدانانی دوو ئەندامی داعشیان بڵاو کردەوە کە ئۆپەراسیۆنی تیرۆریستییان لە دژی هێزەکانی سووریای دیموکرات لە باکوور و ڕۆژهەڵاتی سووریا ئەنجام داوە.
لە فایلە بڵاوکراوەکەدا هەردوو ئەندامەکەی داعش لە دانپێدانانەکانیاندا باس وردەکاریی ئۆپەراسیۆنە تیرۆریستییەکانی خۆیان لە ناوچەکەدا دەکەن.
یەکێک لە ئەندامانی داعش بە ناوی "سائیل عەجیل ئەلعەجیل" کە خەڵکی شارۆچکەی کەرامەیە لە دەڤەری ڕەققە، لە دانپێدانانەکەیدا ڕایگەیاندووە، پارە و چەک و چوار بۆمبی لە تورکیاوە پێگەیشتووە.
ناوی ئەو ئەندامەکەی داعش کە دانپێدانیانەکەی بڵاو بۆتەوە "محەمەد فەیسەڵ عەبدوڵڵا"یە، کە خەڵکی ئەلکەرەمە و لە ساڵی ۲۰۲۲ پەیوەندی بە داعشەوە کردووە.
هەردوو ئەندامەکەی داعش دانیان بەوەدا ناوە کە بۆمبیان بۆ تەقاندنەوەی ئۆتۆمبێلێکی هێزەکانی سووریای دیموکرات بەکار هێناوە.
Your Comment