کوردپرێس: تۆڕی میدیایی ڕوودا بڵاوی کردەوە بۆردوومانەکە لە کاژێر 11:10خولەک دەستی پێکردووە و تاوەکوو ئێستا بەرزاییەکانی بێرکم، کێلەشین و بەردەسۆران کراونەتە ئامانج.

ئیحسان چەلەبی، بەڕێوەبەری شارۆچکەی سیدەکان رایگەیاند، دوای ماوەیێک ئارامی و وەستانی بۆردوومانی تورکیا، ئەمڕۆ بۆ جارێکی دیکە فڕۆکە گەیشتنەوە ئاسمانی ناوچەکە و هەریەک لە سنین، بێرکمە، کێلەشین و بەردەسۆران-ی بۆردوومان کرد.

بەڕێوەبەری شارۆچکەی سیدەکان گوتیشی، سنین و بێرکمە ماوەی 15 ساڵ ناوە ناوە دەکەونە بەر هێشی فڕۆکەکانی تورکیا، بەڵام کێلەشین و بەردەسۆران کە سنووری نێوان قەزای شنۆی کوردستانی ئێران و سیدەکانە بۆ یەکەمینجارە تورکیا بۆردوومانیان دەکات.

کۆدی هەواڵنێر: 60113