«سولەیمان ئوسۆ» سەرۆکی پارتی یەکێتیی کوردستانی لە سووریا (P.Y.K.S) و ئەندامی دەستەی سەرۆکایەتی ئەنجومەنی نیشتمانیی کورد (ENKSE) لە گفتوۆ لەگەڵ کوردپرێسدا ئاماژەی دا بە دەستپێکی خولی دووهەمی دانوستانەکان لەنێوان ئەنەکەسە و حزبەکانی یەکێتیی نیشتمانی کوردی سووریا و وتی: قۆناخی دووهەمی دانوستانەکانمان دەستی پێکردووە و لە گفتوگۆکانماندا زۆر جیددین هیوادارین لایەنی بەرانبەریشمان جیدی بن.

ناوبراو زیادی کرد: سووریا لە قۆناخێکی هەستیاردایە و ئەنجومەنی نیشتمانی لەبارەی ئەو پرسانەی کە لەبارەی کوردە زۆر ئاقڵانە هەڵسوکەوت دەکات و بەرپرسیارێتییێکی گەورەی لەسەر شانە.

بەگوێرەی ڕاپۆرتەکانی کوردپرێس لە ڕۆژانی ڕابردوودا چاوپێکەوتنێک لەنێوان ژەنراڵ مەزڵووم کۆبانێ و نوێنەری ئەمریکا لە دانوستانەکان لەگەڵ ئەنجومەنی نیشتمانیی کورد بەڕێوە چووە و لەبارەی دەستپێکی خولی دووهەمی دانوستانەکان ڕێککەوتن کراوە.

کۆدی هەواڵنێر: 60113