بەپێی هەواڵی کوردپرێس، محه‌مه‌د حاجی مه‌حموود سكرتێری گشتی حزبی سۆسیالیستی دیموكراتی كوردستان له‌ باره‌ی بڕیاردان له‌ ڕۆژی ئه‌نجام دانی ڕیفراندۆمی سه‌ربه‌خۆیی هەرێمی كوردستان ڕاگه‌یه‌نراوێكی بڵاوكرده‌وه‌ و له‌ ڕاگه‌یه‌نراوه‌كه‌دا هاتووه ‌"ڕیفراندۆم تاپۆیێکی ڕەشە لە گیرفانی هەموو تاکێکی خەڵکی کوردستاندا هەرکات ویستی مافی چارەی خۆنوس بکات پێویستی بە ڕیفراندۆم و گەڕانەوە نیە و مێژوویێکی پاک و بێگەردە هەتا هەتایە بۆ کورد و کوردستان، بۆیە ئێمە پابەندبوون بەڕیفراندۆم بەگەورەترین دەست کەوتی میلەتەکەمان ئەزانین".

ده‌قی ڕاگه‌یه‌نراوه‌كه‌ی محه‌مه‌د حاجی مه‌حموود:

لە بەرواری ۷ی٦ی۲۰۱۷ ی زایینی

۲۷۱۷ساڵی کوردی ڕۆژێکی مێژووی بوو لە مێژووی گەلی کورددا

لە ۷ی٦ی۲۰۱۷ دا هەموو هێز و حزبە کوردستانیەکان و لیژنەی هەڵبژاردنەکان و کەسایەتی یاسای و حکوومەت و پەرلەمان و لیژنەی باڵای هەڵبژاردنەکان

بەسەرپەرشتی جەنابی سەرۆک مسعوود بارزانی و بەئامادەبوونی بەڕێز کۆسرەت ڕەسوڵ عەلی، مسعوود بارزانی داوای لە هەموو هێزە سیاسیەکان کرد بۆ دیاری کردنی ڕۆژی دەنگدان بەڕیفراندۆم، هەموو حزبەکان پشتیوانیان لەڕای بەڕێز بارزانی کرد و لەلایەن حزبەکانەوە چەند ڕۆژێک باس کرا بۆ دەنگ دان بە ڕیفراندۆم بۆسەربەخۆی کوردستان، بەڵام لەلایەن یەکیک لەحزبەکانەوە ڕۆژی (۲٥ی۹ ) دیاری کراو لە بەرواری ۲٥ی۹ی۲۰۱۷ خەڵکی کوردستان سەرەڕای گەلەکۆمەکی و چاوچنۆکی دوژمنان و ناحەزانی خەڵکی کوردستان میلەتەکەمان بۆ دۆست و دوژمنی سەلماند کورد لەبواری نەتەوەی و نیشتمانیدا لەکاتە هەستیارەکاندا کەس خۆی لەبەردەم ئێرادەی گەلدا ناگرێت.

بۆیە میلەتی کورد بەڕێژەی ۹۳٫٨ ٪ دەنگی بەڕیفراندۆم و سەربەخۆی کودستان دا، بۆیە ڕیفراندۆم تاپۆیەکی ڕەشە لەگیرفانی هەموو تاکێکی خەڵکی کوردستاندا هەرکات ویستی مافی چارەی خۆنوس بکات پێویستی بەڕیفراندۆم و گەڕانەوە نیە و مێژوویێکی پاک و بێگەردە هەتا هەتایە بۆ کورد و کوردستان، بۆیە ئێمە پابەند بوون بەڕیفراندۆم بەگەورەترین دەست کەوتی میلەتەکەمان ئەزانین.

کۆدی هەواڵنێر: 60113