کوردپرێس: فالح عیساوی، وته‌بێژی هاوپه‌یمانیی هێزه عێراقیه‌کان ئاشکرای کرد، محه‌مه‌د حه‌لبوسی، سه‌رۆکی هاوپه‌یمانی هێزه عێراقیه‌کان داوایێکی ئاڕاسته‌ی سه‌رجه‌م ئه‌ندامانی کردووه که ده‌نگ له‌سه‌ر کاندیده‌کانی مسته‌فا کازمی بده‌ن، هیچ سکاڵا و ناڕه‌زایه‌تیه‌کیش ده‌رنه‌بڕن، له ئێستاشدا که پشکی وه‌زاره‌تی بازرگانی ماوه په‌یوه‌ست نه‌بووه به کێشه‌ی نێوان ئه‌ندامانی هاوپه‌یمانی هێزه عێراقیه‌کانه‌وه.
ناوبراو باسی له‌وه‌ش کرد، مسته‌فا کازمیان راسپاردووه که که‌سایه‌تی بێلایه‌ن و پاک و لێهاتوو بۆ وه‌زاره‌ته‌کانی پشکی سوننە ده‌ستنیشان بکات، مه‌رجی ئه‌وانیش ته‌نها ئه‌وه‌یه که‌سایه‌تیێکی سوننه بێت، دوای ئه‌وه‌ش کازمی سه‌رپشکه چۆن و به‌چ میکانیزمێک کاندیده‌که دیاری ده‌کات.
سه‌باره‌ت به هه‌ڵبژاردنی پێشوه‌ختیش، وته‌بێژی هاوپه‌یمانی هێزه عێراقیه‌کان رایگه‌یاندوه، هه‌ڵبژاردن پێویستی به دۆخێکی سیاسی سه‌قامگیر هه‌یه، به‌ر له‌هه‌ر شتێکیش ده‌بێت دۆخه‌که هێور بکرێته‌وه و متمانه‌ش بۆ هاوڵاتیان بگێڕدرێته‌وه، پڕۆسه‌یێکیش بێت، که له ئاست متمانه‌ی نێوده‌وڵه‌تی و ئه‌نجومه‌نی کۆمسیۆنی هه‌ڵبژاردنه‌کاندا بێت.
سەرچاوە: NRT
کۆدی هەواڵنێر: 60113
Your Comment