کوردپرێس:
قوباد تاڵەبانی جێگری سه‌رۆک وه‌زیرانی حکوومه‌تی هه‌رێمی کوردستان له هه‌ولێر لەگەڵ شاندێكی سەربازی و دیپلۆماسی ئەمەریكی كە لە گریگۆری كرودە‌ر بە‌رپرسی نووسینگە‌ی ھە‌ماھە‌نگی ئە‌منی لە عێراق و ستیف فەیگن كونسووڵی گشتیی ولایە‌تە یەكگرتووەكانی ئە‌مریكا لە ھە‌رێمی كوردستان و وە‌فدێكی یاوە‌ریان پێكھاتبوو، پێشهاتە سیاسی و ئەمنییەكانی كوردستان و عێراقیان خستە بەر باس.
لە كۆبوونە‌وە‌كە‌دا هەنگاوەكانی چاكسازی لە وەزارەتی كاروباری پێشمەرگە و ڕێكخستنەوەی هێزەكانی پێشمەرگە خرانە بەر باس و هەروەها ڕۆڵی هێزەكانی هاوپەیمانان و ویلایە‌تە یەكگرتووەكان لە پاڵپشتی كردنی پرۆسەكە جەختی لێ كرایەوە و قوباد تاڵەبانی ستایشی ڕۆڵی ھێزە‌كانی ئە‌مریكا و ھاوپە‌یمانانی كرد لە‌وبارە‌یە‌وە.
هه‌روه‌ها لە گفتوگۆكاندا هەردوولا هاوڕا بوون كە هێشتا پاشماوەكانی داعش و ژێرخانی ئەم ڕێكخراوە تیرۆریستییە مەترسین لەسەر ئاسایشی هەرێمی كوردستان و عێراق و ناوچەكە و بۆ بەرەنگاربوونەوەی ئەم مەترسییەش هاریكاری پێشمەرگە و هێزە عێراقییەكان و هاوپەیمانان بە كارێكی پێویست درایە قەڵەم و ڕێوشوێنەكانی تاوتوێ كران.
سه‌رچاوه: شارپرێس
کۆدی هه‌واڵنێر: 60103
Your Comment