بەپێی هەواڵی کوردپرێس، له راگه‌یه‌ندراوێكدا كه له‌لایه‌ن كرملین-ه‌وه بڵاوكراوه‌ته‌وه، ئاماژه به‌وه كراوه كه ئه‌ردۆغان و پووتین له په‌یوه‌ندییێكی ته‌له‌فۆنییدا قه‌یرانی سووریایان تاوتوێ كردووه.
له راگه‌یه‌ندراوه‌كه‌دا باس له‌وه كراوه كه سه‌رۆک كۆماری توركیا و سه‌رۆكی رووسیا به‌رده‌وامن له‌سه‌ر دانوستان له‌سه‌ر قه‌یرانه‌كه به ئاراسته‌ی جۆراوجۆر، به‌تایبه‌تی دۆخی ناوچه‌ی كه‌م كردنه‌وه‌ی گرژی ئیدلب-یان تاوتوێ كرد كه رووی له خراپ بوون كردووه.
له راگه‌یه‌ندراوه‌كه‌دا هاتووه "له په‌یوه‌ندییە ته‌له‌فۆنییه‌کەدا جه‌خت له‌سه‌ر ته‌واو جێبه‌جێ كردنی رێككه‌وتنه‌كانی رووسیا-توركیا كرایه‌وه به یاداشتنامه‌كه‌ی ١٧ی ئه‌یلوولی ٢٠١٨ی سۆچی-یشه‌وه.
هەروەها بڕیاردرا له رێگه‌ی دامه‌زراوه په‌یوه‌ندیداره‌كانه‌وه دیداری دیكه ئه‌نجام ده‌درێت به‌و ئامانجه.
کۆدی هەواڵنێر: 60113
Your Comment