بەپێی هەواڵی کوردپرێس دۆناڵد ترەمپ سەرۆک کۆماری ئەمریکا شەوی دووشەمە 7ی ئایاری 2018 لە پەیجی تایبەتی خۆی لە تۆڕی کۆمەڵایەتیی تویتەر پەیامێکی بڵاو کردەوە و تێیدا ڕایگەیاند سبەی سێشەمە 8ی ئایاری 2018 کاتژمێر 2ی نیوەڕۆ بە کاتی واشەنتۆن واتا 10 و 30 خولەک بە کاتی تاران بڕیار لە سەر ڕێککەوتنی ئەتۆمیی نێوان ئێران و وڵاتانی 5 کۆ یەک دەدات.

ماوەیێکە سەرۆک کۆماری ئەمریکا نکۆڵی لە ڕێککەوتنی ئەتۆمیی نێوان ئێران و وڵاتانی 5 کۆ یەک دەکات کە ساڵی 2015 لە نێوان ئێران و 5 وڵاتی چین، ئەمریکا، فەڕەنسا، ڕووسیا، بەریتانیا و ئەڵمانیا واژۆ کرا.

هەر بەو بۆنەشەوە کاردانەوە و هەڵوێست نواندنی بەرپرسانی باڵای کۆماری ئیسلامیی ئێران بۆتە مانشێتی ئەم ڕۆژانەی هەواڵدەری و میدیا پێوەندیدارەکانی ناوچەکە و بڕیارەکەی ترەمپ ئەو پرسە یەکلا دەکاتەوە.

کۆدی هەواڵنێر: 60101