به‌پێی هه‌واڵی کوردپرێس، ئه‌نجومه‌نی ناوه‌ندیی پارتی دیموکراتیکی گه‌لان کۆبوونه‌وه‌یێکی له ئه‌سته‌نبۆڵ له‌سه‌ر ته‌وه‌ری هه‌ڵبژاردنی پێشوه‌ختی په‌رله‌مان و سه‌رکۆماری به‌ڕێوه برد و ئه‌ندامانی ئه‌و ئه‌نجومه‌نه به‌رنامه‌کانی HDP بۆ هه‌ڵبژاردنیان خسته به‌ر باس و لێکدانه‌وه.
له‌و کۆبوونه‌وه‌یه‌دا ده‌رئه‌نجامی لێکۆڵینه‌وه ئه‌نجام‌دراوه‌کان له ناوچه جۆراوجۆره‌کانی تورکیا له‌وان ناوچه‌ی ئێژه و مه‌دیته‌رانه خرایه به‌ر باس و لێکدانه‌وه که یه‌کێک له ده‌رئه‌نجامه‌کان داوای لایه‌نگرانی پارتی دیموکراتیکی گه‌لانه له‌سه‌ر کاندید بوونی سه‌ڵاحه‌دین ده‌میرتاش هاوسه‌رۆکی پێشووی ئه‌و پارته له هه‌ڵبژاردنی سه‌رکۆماردا.
به گوێره‌ی زانیارییه وه‌ده‌ستهاتوووه‌کان، پارتی دیموکراتیکی گه‌لان بۆ دیاری کردنی چاره‌نووسی کاندیدبوونی سه‌ڵاحه‌دین ده‌میرتاش بۆ هه‌ڵبژاردنی سه‌رکۆمار چاوه‌ڕوانی به‌ڕێوه چوونی دادگه‌ی ناوبراو له 30ی ئه‌یپڕێڵه.
سه‌رچاوه: ڕۆژنامه‌ی جمهوورییه‌ت
کۆدی هه‌واڵنێر: 60103
Your Comment