به‌پێی هه‌واڵی کوردپرێس، زانا سه‌عید له لێدوانێکی ڕۆژنامه‌وانیدا ڕای‌گه‌یاند: حیزبه کوردستانییه‌کان به بۆنه‌ی ئه‌و قه‌یرانانه‌ی که کورده‌کان له سه‌رده‌می سه‌رۆک وه‌زیرانی حه‌یده‌ر عه‌بادی به‌ره‌وڕووی بوونه‌ته‌وه مه‌یلێکیان به هه‌ڵبژاردنی ناوبراو وه‌کوو سه‌رۆک وه‌زیرانی خولی دیکه‌ی عێراق نییه.
ناوبراو ده‌شڵێت: سه‌رده‌می سه‌رۆک وه‌زیرانی عێراق خراپترین سه‌رده‌م له مێژووی ده‌سه‌ڵاتدارێتیی عێراق پاش ساڵی 2003 دێته ئه‌ژمار.
زانا سه‌عید وتیشی: هه‌رێمی کوردستان نایه‌وێت له‌گه‌ڵ ئه‌و که‌سانه ته‌عامول بکات که به‌ڵێنه‌کانیان له به‌رانبه‌ر خه‌ڵک جێبه‌جێ ناکه‌ن.
ناوبراو ڕاشی‌گه‌یاند: قسه‌کردن له‌سه‌ر پشتیوانیی کورده‌کان له که‌سایه‌تییێکی دیکه بۆ وه‌رگرتنی پۆستی سه‌رۆک وه‌زیرانی عێراق زوووه و کورده‌کان پاش هه‌ڵبژاردن هه‌ڵوێستی خۆیان له‌وباره‌وه ڕاده‌گه‌یێنن.
سه‌رچاوه: هه‌واڵده‌ریی "کنوز میدیا"
کۆدی هه‌واڵنێر: 60103
Your Comment