کوردپرێس:

ڕۆژی یەکشەممە، 14ی ئازاری 2021 ئۆپەڕاسیۆنە هاوبەشەکانی عێراق رایانگەیاند، چەکدارانی داعش هێرشیانکردە سەر هێزە ئەمنیەکانی قەزای شنگال و پێکدادانەکە نیو کاتژمێری خایاندووە و هێزێکی عێراقی لە پێکدادانەکەدا گیانی لە دەست دا.

ئەوەش لەکاتێکدایە، ماوەیێکە جموجوڵەکانى چەکدارانى داعش روویان لە زیادبوون کردووە و دوو رۆژ لەمەوبەریش، گروپی چەکداری داعش لە راگەیەندراوێکدا بەرپرسیارێتی خۆی لە کوشتنی حەوت ئەندامی یەک خێزان لە سەڵاحەدین راگەیاند.