بەپێی هەواڵی کوردپرێس، تەلەفزیۆنی کوردستان ٢٤ باس لەوە دەکات ئەسکەندەر وەتووت لە لێدوانێک بۆ ماڵپەڕی ئەلغەدپرێس دەڵێت: بەرنگار بوونەوەی پەکەکە لە قەندیل پێویستی بە هاوئاهەنگیی سوپای عێراق و تورکیا هەیە و ئەنقەرە و بەغدا بە نهێنی لەمبارەوە ڕێککەوتوون و ئەمەش دەبێتە هۆکارێک بۆ بەرفراوان بوونی هاوکاریی نێوان دوو لایەن.
ئەندامی کۆمیسیۆنی ئاسایش و بەرگریی عێراق ئاماژە بەوە دەکات حکوومەتی عێراق لە بەرامبەری وەرگرتنی مافی نۆرەئاوی دیجلە و فورات لە تورکیا مۆڵەت دەداتە ئەو وڵاتە لە باکووری عێراق بۆ هێرش‌کردنە سەر پەکەکە کەڵک وەرگرێت.
هەر لەمبارەوە مەولوود چاوش ئۆغڵۆ وەزیری دەرەوەی تورکیا پاش سەفەری فەرماندەی ئەرکانی ئۆپەراسیۆنی تورکیا بۆ بەغدا ڕای‌گەیاند سوپای ئەو وڵاتە پاش کۆتایی ئۆپەراسیۆنی عەفرین لە مانگەکانی داهاتوودا بە هاوکاریی سوپای عێراقی هێرش دەکاتە سەر پەکەکە لە قەندیل.
کۆدی هەواڵنێر: ٦٠١٠٥
Your Comment