به‌پێی هه‌واڵی کوردپرێس، شاندێکی باڵای ئه‌مریکا بۆ گفتوگۆ له‌گه‌ڵ به‌رپرسانی تورکیا له‌باره‌ی ئۆپه‌راسیۆنی سه‌ربازیی ئه‌و وڵاته له عه‌فرین و هاوکارییه‌کانی دوو وڵات گه‌یشتنه ئه‌نقه‌ره.
ئه‌و گرووپه له‌گه‌ڵ شاندێکی وه‌زاره‌تی ده‌ره‌وه‌ی تورکیا و شاندێکی سه‌ربازیی ئه‌رکانی گشتیی هێزی چه‌کداری تورکیا دیدار و گفتوگۆ ده‌کات.
سه‌رۆکایه‌تیی شاندی ئه‌مریکی له ئه‌ستۆی جاناتان کۆهن وه‌زیری ده‌ره‌وه‌ی ویلایه‌ته یه‌کگرتوووه‌کانی ئه‌مریکا و سه‌رۆکایه‌تیی شاندی تورکیا له ئه‌ستۆی ئه‌حمه‌د موختار گۆڤه‌ن ده‌بێت.
ڕۆژی ڕابردوو وته‌بێژی وه‌زاره‌تی به‌رگریی ئه‌مریکا ڕای‌گه‌یاند: له لیژنه‌ی ڕه‌وانه‌کراوی ئه‌مریکا بۆ ئه‌نقه‌ره هه‌ندێک به‌رپرسی وه‌زاره‌تی به‌رگریش هه‌ن و ڕاسپارده‌ییی ئه‌وان دانووستان له‌سه‌ر پرسه ئه‌منییه‌کان به تایبه‌ت ئۆپه‌راسیۆنی عه‌فرینه.
سه‌رچاوه: هه‌واڵده‌ریی ئانادۆڵو
کۆدی هه‌واڵنێر: 60103
Your Comment