بەپێی هەواڵی کوردپرێس شاندێکی حکوومەتی هەرێمی کوردستان بە سەرۆکایەتیی نێچیرڤان بارزانی ، سەرۆکی حکوومەتی هەرێمی کودستان لە ڤاتیکانە بە مەبەستی کۆبوونەوە و دیدار لەگەڵ پاپا فرانچیس، پاپای ڤاتیکان و بڕیارە شاندەکە لەگەڵ وەزیری دەرەوەی ڤاتیکانیش کۆ ببێتەوە.

شاندەکەی هەرێمی کوردستان، لە ڤاتیکان پێکهاتوون لە نێچیرڤان بارزانی ، سەرۆک‌وەزیرانی هەرێمی کوردستان ، فوئاد حوسێن سەرۆکی دیوانی سەرۆکایەتیی هەرێمی کوردستان و رێزان قادر نوێنەری حکوومەتی هەرێمی کوردستان لە ئیتاڵیا.

کۆبوونەوەکەی سەرۆک‌وەزیرانی هەرێمی کوردستان و پاپای ڤاتیکان رۆژی هەینی 12-1-2017 لە کاژێر 9:00 بەکاتی ڤاتیکان و کاژێر 11:00 بەکاتی هەولێر دەبێت.

پەیوەندییەکانی نێوان هەولێر و ڤاتیکان پەیوەندی نوێ نییە و پێشتر سەرۆکی هەرێمی کوردستان سێجار چوووەتە ڤاتیکان و لەگەڵ پاپا جۆن پاولی دووەم (2005)، پاپا بیندیکتی 16 (2011) و پاپا فرانچیس لەساڵی (2014) کۆ بوووەتەوە. هەروەها سەرۆک وەزیرانی هەرێمی کوردستان لە ساڵی 2015 لەگەڵ پاپا کۆ بوووەتەوە.

کۆدی هەواڵنێر:60101