بەپێی هەواڵی کوردپرێس، ئایەتوڵڵا سادق ئامولی لاریجانی لە کۆبوونەوەیێکدا لەگەڵ بەرپرسانی باڵای داد کە وردەکارییەکانی لە لایەن پێوەندییە گشتییەکانی دەزگای دادەوە بڵاو کرایەوە داوای لە بەرپرسان و دادوەران کرد تا ئەو جێگەیە کە یاسا مۆڵەت دەدات بە ڕەحمی ئیسلامییەوە مامەڵە لەگەڵ دەستگیر کراوانی ڕووداوەکانی ئەم دواییەی وڵاتدا بکەن.
لاریجانی ئاماژەی دا بە ڕووداوەکانی ئەم دواییە و وتیشی: دەبێت لە ڕوانگەی جۆراوجۆرەوە بۆ ڕووداوەکانی ئە دواییە بڕوانین، ژمارەیێک گردبوونەوەی لە هەندێک لە شارەکاندا ئەنجام درا و دوژمن بە ورووژاندن و بەرنامەڕێشتن ئاڵۆزیی خستە نێو گردبوونەوەکان، چەندین کەس کە خەساریان لە دارایی گشتی گەیاندبو دەستگیر کران.
ناوبراو لە کۆتاییدا سەبارەت بە ڕۆڵی تۆڕە کۆمەڵایەتییەکان زیادی کرد: ئێمە بە هیچ شێوەیێک لەگەڵ داخستنی هەموو تۆڕەکۆمەڵایەتییەکان نین و دەبێت ئینتێرنێتی وڵات یاسای بۆ دروست بکرێت و چالاکانی ئینتێرنێت ناسنامەیان بۆ دەربکرێت.
کۆدی هه‌واڵنێر: 60113
Your Comment