به‌پێی هه‌واڵی کوردپرێس، ئه‌رکانی گشتیی هێزی چه‌کداری تورکیا ڕای‌گه‌یاند: له ئاکامی ئۆپه‌راسیۆنی فڕۆکه جه‌نگییه‌کانی تورکیا بۆ سه‌ر هێزه‌کانی په‌که‌که له ناوچگه‌لێکی باکووری کوردستانی عێراق لانی‌که‌م 6 ئه‌ندامی ئه‌و گرووپه کوژران.
ئه‌و ئه‌رکانه گشتییه ڕای‌گه‌یاندوووه: ئه‌و هێزانه له ئاماده‌کاریدا بوون بۆ هێرش کردنه سه‌ر ناوچه سه‌ربازییه‌کانی سه‌ر سنوور.
ئه‌رکانی گشتیی هێزی چه‌کداری تورکیا به‌یاننامه‌یێک بڵاو ده‌کاته‌وه و ده‌ڵێت: "دوای دیاری کردنی شوێنی هێزه‌کانی په‌که‌که له کانی ڕه‌ش له باکووری عێراق فڕۆکه جه‌نگییه‌کان ئۆپه‌راسیۆنێکی ئاسمانییان بۆ سه‌ر ئه‌وان ئه‌نجام دا که له ئاکامدا 6 ئه‌ندامی ئه‌و گرووپه گیانی خۆیانیان له ده‌ست دا.
شایانی باسه؛ له کاتی کۆتایی هاتنی ئاگربڕ و ده‌ست پێکردنی پێکدادانه‌کانی نێوان حکوومه‌تی تورکیا و PKK، ئۆپه‌راسیۆنی ئاسمانیی تورکیا بۆ سه‌ر ناوچه شاخاوییه‌کانی باکووری کوردستان به بیانووی به‌ره‌نگاری له‌گه‌ڵ ئه‌و گرووپه به تایبه‌ت له چیای قه‌ندیل درێژه‌ی هه‌یه.
سه‌رچاوه: هه‌واڵده‌ریی ئانادۆڵو
کۆدی هه‌واڵنێر: 60103
Your Comment