بەپێی هەواڵی کوردپرێس، ڕکابەریی پاڵەوانیی وەرزشی زۆرخانەیی پێشەنگانی وڵات لە گیلان کۆتایی پێهات، لەو ڕکایەریەدا وەرزشوانانی کوردستانی 18 میداڵیایان مسۆگەر کرد.

ئەو ڕکابەرییانە بە بەشداریی زیاتر لە 310 وەرزشوان لە پارێزگاکانی کوردستان، کرماشان، ئەلبورز، هەمەدان، گیلان، مازەندەران، ئیسفەهان، فارس، ئازەربایجانی ڕۆژهەڵات، سمنان، خوراسانی ڕەزەوی، خوراسانی مەرکەزی، خوراسانی باشوور، زەنجان، گولستان و یەزد لە یاریگەی شەهید عەزدی و زۆرخانەی پووریای وەلی ڕەشت بەڕێوە چوو.

تیمی کوردستان بە بەشداریی 20 وەرزشوان لە ڕکابەرییەکانی زۆرخانەیی وڵات بەشدار بوو و پلەی دووهەمی مسۆگەر کرد و توانی 8 میداڵیای زێڕ، 7 میداڵیای زیو و 3 میداڵیای برۆنز بە دەست بێنێت.

کۆدی هه‌واڵنێر: 60113