بەپێی هەواڵی کوردپرێس، پۆلیسی دژە تیرۆری تورکیا ٩ ئەندامی پارتی دیموکراتیکی گەلان و پارتی هەرێمە دیموکراتیکەکانی بە تۆمەتی هاوکاری لەگەڵ پارتی کرێکارانی کوردستان لە شاری وارتۆی پارێزگای مووش دەستگیر کردووە.
سەرچاوە خۆجێییەکان باس لەوە دەکەن هێزەکانی پۆلیس لە ناوەندی شار و گوندەکانی دەوروبەری کوتاویانە سەر ماڵ و خانووی چالاکوانان و ٩ کەسیان دەستگیر کردووە.
تۆمەتی هاوکاری لەگەڵ پارتی کرێکارانی کوردستان خراوەتە پاڵ دەستگیرکراوەکان.
ئەمەش لە حاڵێکدایە سەرلەبەیانیی ئەوڕۆ لە پارێزگای وان ٥ کەس و دوێنێش لە پارێزگای ئەزمیر ٥١ ئەندامی دیکەی ئەو دوو پارتە هەر بە تۆمەتی هاوکاری لەگەڵ پەکەکە لەلایەن هێزە ئەمنییەکانی تورکیاوە دەستگیر کراون.
سەرچاوە: فورات نیووز
کۆدی هەواڵنێر: ٦٠١٠٥
Your Comment