بەپێی هەواڵی کوردپرێس، به‌گوێره‌ی راگه‌یه‌ندراوێکی سه‌رۆکایه‌تی هه‌رێم، له دیدارێکدا له‌گه‌ڵ نادیه موراد، چالاکوانی ئێزدی و ڕزگاربووی ده‌ستی داعش که ئه‌مڕۆ چوارشه‌ممه له هه‌ولێر به‌ڕێوه‌چوو، سه‌رۆکی هه‌رێمی کوردستان هه‌وڵه‌کانی نادیه‌ی له‌پێناو خزمه‌ت کردنی ئێزدییان به‌رز نرخاند و ئاماده‌ییی هه‌رێمی کوردستانی بۆ پشتگیری کردنی هه‌ر کار و پرۆژه‌یێکی بۆ خزمه‌ت کردنی ئێزدییان ده‌ربڕی.
نێچیرڤان بارزانی دووپاتی کرده‌وه که له‌سه‌ر هه‌وڵه‌کانی به‌رده‌وام ده‌بن و کار ده‌که‌ن بۆئه‌وه‌ی کێشه‌کانی ئێزدییان و ناوچه‌ی شه‌نگال چاره‌سه‌ر بکرێن، له‌مباره‌یه‌وه له‌گه‌ڵ لایه‌نه په‌یوه‌نداره‌کانی حکوومه‌تی عێراق و کۆمه‌ڵگه‌ی نێوده‌وڵه‌تی هه‌موو هاوکاری و هه‌ماهه‌نگییه‌کی پێویست ده‌که‌ن.
لای خۆیه‌وه نادیه موراد سوپاس و پێزانینی پێشکه‌ش به هه‌وڵه‌کانی نێچیرڤان بارزانی کرد، بۆ به‌ره‌وپێش بردنی دۆسیەی ئێزدییه‌کان و خزمه‌ت کردنیان.
هه‌روه‌ها هه‌ردوولا پرسی گێڕانه‌وه‌ی کۆمه‌ڵێک ڕوفاتی قوربانییانی ئێزدی بۆ گوندی کۆچۆ و ڕێککه‌وتنی شه‌نگال و چه‌ند بابه‌تێکی دیکه‌ی په‌یوه‌ست به کاروباری ئێزدییانه‌وه، تاوتوێ کرد.
کۆدی هەواڵنێر: 60113
Your Comment