بەپێی هەواڵی کوردپرێس، مایکڵ کۆریڵا فه‌رمانده‌ی فه‌رمانده‌یی ناوه‌ندیی هێزه‌کانی ئه‌مریکا، له 8ـی ئه‌م مانگه سه‌ردانی باکووری رۆژهه‌ڵاتی سووریای کرد، له‌وێ هێزه‌کانی ئه‌مریکای به‌سه‌رکرده‌وه، جیا له‌وه‌ش سه‌ردانی به‌ندیخانه‌یه‌کی داعش و که‌مپێکی ماڵباتی ئه‌وانی کرد، جیا له‌وه‌ش ئه‌و فه‌رمانده ئه‌مریکییه، سه‌ردانی به‌ندیخانه‌ی غوێرانی له شاری حه‌سه‌که کرد، که ساڵ ی پار داعش به ئامانجی گرت و سه‌دان که‌س به‌هۆیه‌وه کوژران.
کۆریڵا هۆشداری دا، که ئه‌گه‌ر ئه‌و به‌ندییانه‌ی داعش ئازاد بکرێن، ده‌بنه هه‌ڕه‌شه‌یه‌کی مه‌ترسیدار. راشیگه‌یاند، شه‌ڕکردن له دژی داعش، شه‌ڕکردنه بۆ به‌ده‌ست‌هێنانی سه‌قامگیری نه‌ک ته‌نیا له سووریا و عێراق، به‌ڵکوو بۆ ته‌واوی ناوچه‌که.
ناوبراو ده‌شڵێت: "له‌گه‌ڵ ئه‌وه‌ی داعش هێزی ئه‌وه‌ی هه‌یه هێرشی خوێناوی ئه‌نجام‌بدات، هه‌روه‌ها دادگاکانی عێراق ده‌یان و سه‌دان فه‌رمانی له‌سێداره‌دانی بۆیان ده‌رکردووه، به‌ڵام ویلایه‌ته‌یه‌کگرتووه‌کانی ئه‌مریکا هێشتا به مه‌ترسییان ده‌بینی".
کۆریڵا دووپاتی کرده‌وه، منداڵه‌کانی چه‌کدارانی داعش له که‌مپی هۆل، مه‌ترسیدارن، ئه‌گه‌ر بیری توندوتیژیان پێبگات و داواشی کرد، به زووترین کات ئه‌و که‌مپه چۆڵ بکرێت.
Your Comment