بەپێی هەواڵی کوردپرێس، تەلەفزیۆنی ڕوودا بڵاوی کردەوە گوللەتۆپێک له‌ نزیگ بنکەیەکی سەربازیی تورکیا لە ناحیه‌ی بامەڕنێی سه‌ر به‌ قه‌زاى ئامێدى که‌وتووەتە‌ خوارەوه‌ و زیانى ماددى به‌ر رەز و باخی چه‌ند هاونیشتمانییەک گه‌وتووه‌.

هێشتا نازانرێت گوللەتۆپەکە لەلایەن کێوە ئاراستەی ناوچەکە کراوە.

لە ماوەی دوو مانگی رابردوودا ئەوە سێیەمجارە سنووری بامەڕنێ تۆپباران دەکرێت، دوو مانگ لەمەوبەر بەهۆی تۆپبارانەوە دوو منداڵ لە سەیرانگەیەکی شیلادزێ گیانیان لەدەستدا و یەکێکیش بریندار بوو.

هەروەها رۆژی هەینی بە درۆن هێرشکرایە سەر سەربازگەی تورکیا لە سنووری ناحیەی بامەڕنێ.