کوردپرێس:
لیوا قاره‌مان كه‌مال جێگری سه‌رۆكی ده‌سته‌ی ئه‌ركان بۆ ئۆپه‌راسیۆن له وه‌زاره‌تی پێشمه‌رگه به SNNی ڕاگه‌یاند: تا ئێستا سێ كۆبوونه‌وه له نێوان هه‌ر دوو وه‌زاره‌تی پێشمه‌رگه و به‌رگریی عیراق له‌باره‌ی دۆخی ناوچه جێناكۆكه‌كان و هه‌ماهه‌نگی هه‌ردوولا له‌و ناوچانه‌دا كراوه.
ناوبراو زیادی کرد: "لیژنه‌كه‌ی وه‌زاره‌تی پێشمه‌رگه چاوه‌ڕوانی لیژنه‌ی وه‌زاره‌تی به‌رگری ده‌كات بۆ ئه‌وه‌ی كۆبوونه‌وه‌ی چواره‌م بكرێت كه به‌منزیكانه ده‌كرێت".
لیوا قاره‌مان که‌مال ڕاشیگه‌یاند: له دوایین كۆبوونه‌وه‌ی نێوان وه‌زاره‌تی پێشمه‌رگه و به‌رگری له‌سه‌ر كۆمه‌ڵێک خاڵ ڕێككه‌وتنی مه‌بده‌ئی كراوه به‌ڵام هێشتا ئه‌و خاڵانه نه‌كراون به ڕه‌شنووس بۆ ئه‌وه‌ی جێبه‌جێ بكرێن.
کۆدی هه‌واڵنێر: 60103
Your Comment