بەپێی هەواڵی کوردپرێس، شێخ باز کەریم بەڕێوەبەری جێبەجێکاری کۆمپانیای کار گرووپ بە کوردستان 24 راگەیاند: "ئەو خانووەی کرایە ئامانج ماڵ و خێزانەکەمی تێدا دەژین و هەموو چوار دەوریشمان دراوسێ و کەسانی سڤیلن، ماڵەکەم مێژوو و ئەرشیف و یادگاری خێزانەکەمی تێدایە و ئێستاش هەمووان دەیبینن و دەزانن کە بە هیچ جۆرێک پەیوەندی بە هیچ شوێنێکەوە نەبووە".

ناوبراو وتیشی: "بەداخەوە پێنج بۆ شەش مووشەک ئاڕاستەی ماڵمان کرا، بەڵام لە ئێستادا داوا لە باڵیۆزخانەی هەموو وڵاتانی ئیسلامی و نێودەوڵەتی و باڵیۆزخانەی ئێران دەکەم کە بۆ خۆیان بێن و ببینن و دەریبخەن کە هۆکاری ئەو هێرشە چی بوو".