بەپێی هەواڵی کوردپرێس، بافڵ تاڵەبانی ئه‌مڕۆ یه‌كشه‌ممه‌ له‌ راگه‌یه‌ندراوێكدا له‌باره‌ی هێرشی سه‌ر هه‌ولێر رایگه‌یاند: "بەداخەوە جارێکی تر ئارامی و ئاسایشی هەرێمی کوردستان کرایە ئامانج و شاری هەولێری خۆشەویست رووبەڕووی هێرشێکی تیرۆریستی بووەوە، بەتوندی ئیدانەی ئەو هێرشانە دەکەم و هیوای سەلامەتی بۆ خەڵکی خۆشەویستی هەولێر دەخوازم".

ئاماژه‌ی به‌وه‌شكردووه‌، "دوبارەبوونەوەی ئەو هێرشانە مایەی نیگەرانییە و ئاماژەیەکی ڕوونە بۆ تێکدانی سەقامگیریی هەرێمی کوردستان، ئەرکی هەموومانە پێکەوە پارێزگاری لە خاک و خەڵکەکەمان بکەین و ڕووبەڕووی تەحەدییەکان بوەستینەوە".

بافڵ تاڵەبانی باسی له‌وه‌شكردووه‌، "پاراستنی ئاسایشی هەولێر و سەلامەتی گیانی خەڵكەكەی بە ئەركی خۆمان دەزانین، یەكێتیی نیشتیمانیی كوردستان ئامادەی هەموو پشتیوانی و هاوكارییەكە بۆ دۆزینەوەی تاوانباران و ئەنجامدەرانی هێرشە تیرۆریستییەكە".