بەپێی هەواڵی کوردپرێس، حسێن ئەمیر عەبدوڵاهیا وەزیری دەرەوەی ئێران و مەولوو چاوشئۆغڵۆ وەزیری دەرەوەی تورکیا لە پێوەندییە تەلەفۆنیەکەدا باسیان لە سەردانی دابێی ڕەجەب تەییب ئەردۆغان بۆ ئێران کرد کە بەمەبەستی تۆکمە کردنی پەیوەندییەکانی تاران و ئەنقەرە ئەنجام دەدرێت.
وەزیری دەرەوەی ئێران ڕایگەیاند: پەیوەندییە دوولایەنەکانی ئێران و تورکیا کەوتۆتە سەر ڕێگای گەشەسەندن و هەفتەی داهاتوویش شاندەکانی هەردوو وڵات بۆ شوێنگیری کردنی ئەم بابەتە کۆ دەبنەوە.
هەروەها لەبارەی شەڕی ئۆکراینا، حسێن ئەمیر عەبدوڵاهیان وتی: پشتگیری لە ڕێگاچارەی سیاسی دەکەین بۆ چارەسەر کردنی پرسی ئۆکراینا و ئامادەین لەمبارەوە هەر چەشنە یارمەتیێکی لایەنەکان بدەین.
لایخۆیەوە وەزیری دەرەوەی تورکیا نیگەرانیی خۆی لە ئاڵۆزتر بوونی قەیرانی ئۆکراینا و ڕوودانی کارەساتی مرۆیی ڕاگەیاند.
Your Comment