بەپێی هەواڵی کوردپرێس، میدیاکانی بەریتانیا لەوان ئیندیپێندێنت،تایمز و گاردیەن، باس لە خواستی ژمارەیێک لە هاووڵاتیانی ئەو وڵاتە دەکەن بۆ بەشداری لە شەڕی ئۆکرایناو.

میدیاکانی بەریتانیا ڕایانگەیاندووە ئەم کەسانە کە خواستی خۆیان نیشانداوە ژمارەیێکیان لەو کەسانەن کە لە ساڵی 2015 بۆ پشتگیری کردن لە کوردان هەمبەر داعش چووبوونە سووریا. هەر بە گوێرەی ڕاپۆرتەکان لانیکەم 10 هاووڵاتیی بەریتانیا لە سەنگەرەکانی کوردانی سووریا هەمبەر داعش گیانیان لەدەست داوە.

میدیا بەریتانییەکان دەڵێن لیز تراس، وەزیری دەورەی ئەو وڵاتە ڕایگەیاندووە لارییان نییە ڵەگەڵ ئەوەی هاووڵاتییانی بەریتانیا بچنە ئۆکراینا و لەو شەڕەدا لەدژی ڕووسیا بەشداری بکەن.

بەم حاڵەیشەوە وەزارەتی دەروەی بەریتانیا لە ساڵی 2015دا هۆشداری دابوویە ئەو هاووڵاتیانەی چووبوونە کوردستانی سووریا بۆ شەڕی داعش و ڕایگەیاندبوو تەنها ماوەی 4 هەفتە دەرفەتی گەڕانەوەیان بۆ وڵات هەیە ئەگینا 10 ساڵ زیندانیان بەسەردا دەسەپێندرێت.