بەپێی هەواڵی کوردپرێس، سەرهەڵدانی داعش لە عێراق و سووریا لە ساڵی 2014 و کونترۆڵ کردنی بەشێکی زۆر لە خاکی عێراق و سووریا لە ساڵی 2017 لەلایەن ئەم گرووپە تیرۆریستیەوە بوو بەهۆی ئاوارە بوونی حەشیمەتێکی بەرچاو لە ناوچە داگیر کراوەکاندا. بەشێکی زۆر لە ئاوارەکانی ناوخۆی عێراق و ئاوارە سووریەکان لە شاری سلێمانیی هەرێمی کوردستان نیشتەجێ بوون.
ئاژانسی هەواڵی ڕۆیتێرز باس لە زیاد بوونی بەرچاوی حەشیمەتی عەرەب عێراق سووریا لە شاری سلێمانی دەکات و دەڵێت ئەم پرسە بووەتە هۆی سەرهەڵدانی هەندێک کێشە وەکوو دژوار بوونی پەیوەندیی دانیشتووانی شارەکە لەگەڵ ئاوارەکاندا.
بەگوێرەی ڕاپۆرتەکەی ڕۆیتێرز دانیشتووانی کورد و عەرەب لە شاری سلێمانی بۆ چارەسەر کردنی ئەم کێشە دەستیان کردووە بە بەڕێوەبردنی خولی فێر کردنی زمان بۆ یەکتر. کورد و عەرەبەکان بە پێکهێنانی پۆلی هاوبەش هەوڵ بۆ فێر بوونی زمانی یەکتر دەدەنتاکوو باشتر لێکتر تێبگەن و باشتر تەعامولیان پێکەوە ببێت.
ئەو کگورد و عەرەبگەلە کە لەم خولانەدا بەشدار دەبن بە ڕۆیتێرزیان گوتووە ئێستا باشتر لەیەکتر تێدەگەن و دەرکی باشتریان لە یەکتر هەیە. ئەمەش بووەتە هۆی باشتر بوونی پەیوەندیی نێوان عەرەبەکان و کوردەکانی سلێمانی.
Your Comment