بەپێی هەواڵی کوردپرێس، ئەمڕۆ لە دەروازەی سنووری حاجی ئۆمەران سەر بە پارێزگای هەولێر ڕێوڕەسمی ئیمزاكردنی یاداشتی ڕادەستكردنەوەی زیندانیی لە نێوان وەزارەتی كار و كاروباری كۆمەڵایەتی هەرێمی كوردستان و وەزارەتی دادی ئێران بەڕێوەچوو.

ئەحمەد نەجمەدین بەڕێوەبەری گشتی چاكسازیی كۆمەڵایەتی ڕایگەیاند یاداشتی ڕادەستكردنەوەی زیندانییان لە چوارچێوەی ڕێككەوتنێكی نێوان عێراق و ئێراندا دێت.