بەپێی هەواڵی کوردپرێس، جووتیار عادل، گوته‌بێژی حکوومه‌تی هه‌رێمی کوردستان، له کۆنفراسێکی رۆژنامه‌وانیدا رایگه‌یاند، له کۆبوونه‌وه‌ی ئه‌نجوومه‌نی وه‌زیراندا، پرسی کۆچبه‌رانی کورد و ره‌وشی ته‌ندرووستی هه‌رێمی کوردستان تاوتوێکران.
گوته‌بێژی حکوومه‌تی هه‌رێم راشیگه‌یاند، له ڕووی ئابووری و دارایشه‌وه کۆبوونه‌وه‌که ره‌وشی هه‌رێم و په‌یوه‌ندییه‌کانی له‌گه‌ڵ به‌غدای تاوتوێکرد و بڕیار درا، رۆژی 6ـی ئەم مانگە تیمی هاوبەشی هەردوو چاودێری دارایی هەرێم و بەغدا دەست بە کارەکانیان بکەنەوە.
جووتیار عادل، روونیکرده‌وه، به‌غدا دووسه‌د ملیاره‌که وه‌ک سولفه ده‌نێرێت، ئه‌مه به ته‌نیا پشکی هه‌رێمی کوردستان نییه.
گووتیشی: "ناردنی دووسه‌د ملیاره‌که به‌رده‌وام ده‌بێت، ئێمه وه‌کوو حکوومه‌تی هه‌رێمی کوردستان رامانگه‌یاندووه ده‌رگامان بۆ هه‌ردوو دیوانی چاودێری فیدڕاڵی و هه‌رێمی کوردستان واڵایه، بۆ ئه‌وه‌ی پرۆسه‌ی شه‌فافییه‌ت و دادپه‌روه‌ری و سه‌روه‌ری یاسا به دی بکه‌ین".
Your Comment