بەپێی هەواڵی کوردپرێس، ئاسایشی سلێمانی له ڕاگه‌یه‌ندراوێکدا بڵاویکرده‌وه، هێزه‌کانی ئۆپراسیۆنی ئاسایشی پارێزگای سلێمانی له رۆژی 30ی (کانونی دوه‌م/1)ی 2022 له دوو چالاکی له شاری سلێمانی و شارۆچکه‌ی پیره‌مه‌گروون دوو ئه‌ندامی ڕێکخراوی تیرۆریستی داعش یان ده‌ستگیر کرد.
ئه‌وه‌شی خسته‌ڕوو، یه‌که‌م تۆمه‌تبار ئه‌ندامی ڕێکخراوی تیرۆریستی داعشه و په‌یوه‌ندی هه‌بووه به زیندانیانی شاری حه‌سه‌که له کوردستانی سووریا، به‌رده‌وام هاوکاری ماددی تیرۆریستانی کردووه، دووه‌م تۆمه‌تباریش به‌هه‌مانشێوه ئه‌ندامی ڕێکخراوی تیرۆریستی داعشه و ئامۆزای گه‌وره تیرۆریست والی عامی داعشه له عێراق.
ئه‌وه‌شی روونکرده‌وه، "تیرۆرستی دووه‌م به‌مه‌به‌ستی خۆ حه‌شاردان و خۆڕێکخستنه‌وه له کێڵگه‌یه‌کی په‌له‌وه‌ری نزیک شارۆچکه‌ی پیره‌مه‌گرون کاری کردووه".
Your Comment