بەپێی هەواڵی کوردپرێس، شانه‌ی راگه‌یاندنی ئه‌منی، راگه‌یه‌ندراوێکی بڵاوکرده‌وه، تێیدا هاتووه، دەزگای هەواڵگری و لێکۆڵینەوەکانی فیدراڵی لە وەزارەتی ناوخۆی عێراق، چاودێری گرووپێکی تیرۆریستییان لە ناو ئەشکەوتێکدا لە بیابانی حەزر له باشووری پارێزگای نەینەوادا کردووه.
شانه‌ی راگه‌یاندنی ئه‌منی روونیکرده‌وه، به سەرپەرشتی فەرماندەیی ئۆپەراسیۆنە هاوبەشەکان، له رێگه‌ی فەرماندەیی هێزە ئاسمانییەکان بە فڕۆکەی F16 هێرشێکیان ئەنجامدا.
ئه‌و شانه‌یه جه‌ختی له‌وه کرده‌وه، لەم بۆردوومانه‌دا بە وردی و چڕی ئەشکەوتێک کرایه ئامانج و ده‌ره‌ئەنجام 5 چه‌کداری داعشی کوژران.
له‌لایه‌کی دیکه‌وه، له هێرشێکی فڕۆکه جه‌نگییه‌کانی عێراقی 4 چه‌کداری داعش له پارێزگای سه‌لاحه‌دین کوژران.
Your Comment