هۆشەنگ دەروێش، نوێنەری مەسەدە لە هەرێمی کوردستان لە گفتوگۆ لەگەڵ کوردپرێسدا ئاماژەی دا بە هەوڵی زیندانیانی داعش لە زیندانی سەناعەی حەسەکە بۆ هەڵاتن و هێرشی چەکدارەکانی ئەو گرووپە تیرۆریستیە بۆسەر زیندانەکە و وتی: زیندانیانی داعش لەنێو زیندانەکەتا هەڵمەتێکیان بۆ هەڵاتن دەست پێکرد و هاوکات چەکدارەکانی ئەو گرووپە لەدەروەی زیندان بەنیازی ئەوە بوون زیندانیان ئازاد بکەن.
نوێنەرەکەی مەسەدە وتیشی: پاش هێرش کردنە سەر زیندانەکە ژمارەیێک لە بەندکراوان هەڵاتن بەڵام پاش گەیشتنی هێزە ئەمنییەکان دەستگیر کرانەوە و گەڕێندرانەوە بۆ گرتووخانەکە و ئێستاش لە کونترۆڵی هێزەکانی سووریای دیموکراتدان.
ناوبراو زیادی کرد: ئەو چەکدارانەی هێرشیان کردە سەر زیندانەکە بۆ گەڕەکەکانی زهور هەڵاتن و مه‌ده‌نیه‌کانیان وه‌ک قه‌ڵغانی زیندوو به‌کارهێناوه و لە وەڵامدا هەسەدە خەڵکەکەی لە گەڕەکەکان دەرباز کرد و شەڕێکدا خەریکی لەناوبردنی هێرشبەرانن.
هۆشەنگ دەروێش جەختی کردەوە: ژمارەیێک زۆر لە چەکدارە هێرشبەرەکان لە ئێستادا کوژراون و بەگوێرەی ئامارەکان ژمارەیان دەگاتە 28 چەکدار.
Your Comment