بەپێی هەواڵی کوردپرێس، ستران عەبدوڵڵا ئەندامی مەکتەبی سیاسیی یەکێتیی نیشتمانیی کوردستان لە کۆنگرەیێکی رۆژنامەوانیدا وتوویەتی، لە کۆبوونەوەی مەکتەبی سیاسی حزبەکەی لە کەرکووک دۆخی یەکێتی و کەرکووک و ناوچە کوردستانییەکانی دەرەوەی هەرێم تاووتوێ کران.

روونیشی کردووەتەوە، هەروەها جەخت لە خزمەت کردنی ئەو ناوچانە و یەکڕیزی کورد بەتایبەتی یەکێتی و پارتی کرایەوە لە پێکهێنانی حکوومەتی نوێی عێراق.

سەبارەت بە پۆستی سەرۆک کۆماری عێراق ئەو ئەندامەی مەکتەبی سیاسی یەکێتی ئاماژەی بەوەداوە، ئەو پۆستە پشکی یەکێتییە و هەر بۆ یەکێتیش دەبێت.