به‌پێی هه‌واڵی کوردپرێس، ئه‌مڕۆ شه‌ممه‌ 13ی تشرینی یه‌که‌می 2018 نووسینگه‌ی ڕاگه‌یاندنی عادل عه‌بدولمه‌هدی سه‌رۆک وه‌زیرانی ڕاسپێردراوی عێراق بڵاوی كرده‌وه‌ که‌ ده‌رگای خۆپاڵاوتن بۆ پۆسته‌ وه‌زارییه‌كانی حكوومه‌تی نوێی عێراق داخرا و ژماره‌ی ئه‌و كه‌سانه‌ش كه‌ خۆیان كاندید كردوووه‌ بۆ پۆسته‌كان ده‌گاته‌ 15 هه‌زار و 184 كه‌س.

كورته‌ی ئه‌نجامی كۆتاییی كاندید بوون بۆ پۆستی "وه‌زیر" له‌ ڕێگه‌ی ئه‌لیكترۆنییه‌وه‌ بوووه‌ به‌م شێوه‌یه‌یه‌:

- له‌ كاتژمێر 4ی ئێواره‌ی ڕۆژی پێنجشه‌ممه‌‌ 11ی تشرینی یه‌كه‌می 2018 ‌ده‌رگای ئه‌لیكترۆنی له‌ واده‌ی دیاریكراوی خۆیدا داخرا.

- ژماره‌ی كاندیده‌كان گه‌یشتۆته‌ "15184".

- كاندید بوووه‌كان به‌ سه‌ر سه‌رجه‌م پارێزگاكان و وه‌زاره‌ته‌كاندا دابه‌ش كراون.

- ژماره‌ی ئه‌و كاندیدایانه‌ی بڕوانامه‌ی دكتۆرایان هه‌یه‌ گه‌یشتۆته‌ "1778" به‌ ڕێژه‌ی 12% و خاوه‌ن بڕوانامه‌ی ماسته‌ر "2200" به‌ ڕێژه‌ی 14%.

- ڕێژه‌ی كاندیده‌ ژنه‌كان 15% و پیاوان 85%.

- ڕێژه‌ی كاندیده‌ سه‌ربه‌خۆكان گه‌یشتۆته‌ 96%.

ڕێكاره‌كانی ئێستا و داهاتوو:

- ژماردن له‌ ڕێگه‌ی ئه‌لیكترۆنییه‌وه‌ ته‌واو بوووه‌ و ئه‌وانه‌ی مه‌رجی یاسایی و هونه‌رییان تێدا نه‌بوووه‌ دوورخراونه‌ته‌وه‌ له‌وانه‌: "ته‌مه‌ن، پسپۆری و...هتد".

- ڕێكاره‌ یه‌كه‌مینیه‌كان به‌پێی پێوه‌ره‌كان گیراونه‌ته‌ به‌ر و باشترین كاندید هه‌ڵبژێردراون كه‌ ژماره‌یان "601" كاندیده‌.

- لیژنه‌ی شاره‌زاییان ده‌ستیان به‌ لیكۆڵینه‌وه‌ كردوووه‌ له‌و "601" كاندیده‌ بۆ دیاری كردنی باشترینیان له‌ ڕێگه‌ی بانگ كردنیان بۆ چاوپێكه‌وتن‌.

- هه‌نگاوی داهاتوو ڕێكاری چاوپیكه‌وتنی راسته‌وخۆ ده‌گیرێته‌ به‌ر له‌گه‌ڵ تیمێكی شاره‌زای پسپۆر و وردبینی له‌ لێهاتووییان له‌وانه: "ڕاستی و دروستی بڕوانامه‌كانیان و...هتد".

- پاشان چاوپێكه‌وتنی كۆتایی به‌ شێوه‌یێكی ڕاسته‌وخۆ له‌گه‌ڵ باشترینه‌كان و سه‌ركه‌وتوووه‌كان له‌گه‌ڵ سه‌رۆكی ئه‌نجومه‌نی وه‌زیرانی راسپێردراو ده‌بێت.

سه‌رچاوه‌: شارپرێس

کۆدی هه‌واڵنێر: 60103